حبي فوق مستواك

لا تقول إني ذكرت .. ولا تقـول إني نسيـت

كيف يعني .. يذكرك إنسان لحظـه ما نسـاك

ادري إني صدق احبك .. وادري انك ما دريـت

إني حتى ضد نفسي .. صـرت يا عمـري معـاك

لو أقول اشكثر احبك ! ما تصدق لـو حكيـت

حبي ---- فوق مستواك -----ومستـواي

كل حرف ٍ لك كتبت و كل حرف ٍ لي قريت

في شي ٍ من عناي و فيه شي ٍ من غـلاك

في غيابك ... يا حبيبي يا كثـر ما قلـت لييـت

ويا كثر ما قيييل عني في غيابـك وش بـلاك

مو مهم اللي جرى لي المهم انك رضيـت
دام يزعلني زعلّك ودام يرضينـي رضـاك

انت دمع ٍ في عيوني ما بكيتـه لـو بكيـت

وانت كل اللي كتبته وأنا بس اللـي قـراك

وانت درب ٍ.. من بديته فـي حياتـي ما انتهيـت

وانت تعني لـي بهالدينـا .. نجاتـي والهـلاك

جيتك أتأسف حبيبي .. وأعترف إني خطيـت

جيتك اسبق لهفة أشواقي ويسبقنـي .. غـلاك

وأنا مدري( شلت قلبي لك ) بعد عمري وجييت

وإلا ( قلبي شالني لك ) يا بعد عمـري وجـاك

جيت أقول( إني احبك) شفت عينـك استحيـت

في عيونك قدرة الله واشهـد ان الله (عطـاك )

لا تقول إني ذكرت ولا تقـول إني نسيـت

دام قلبي ما ذكـرك ودام قلبـي ما نسـاك

اقتباس: وأنا مدري( شلت قلبي لك ) بعد عمري وجييت وإلا ( قلبي شالني لك ) يا بعد عمـري وجـاك

راق لي طرحك

لاهنتِ

هلا وغلا بك يا العالية

مشكورة على مرورك